Shillong, Lber 28: U Myntri ka tnat Community & Rural Development (CRD) u A.T Mondal hynne ka sngi Ba-ar, ula iathuh ba ki Ophisar bad ki Nongtrei jong ka Nongstoin bad Mawshynrut CRD block kin hap khmih ruh iaka Rambrai bad iaka Rimuliang CRD katba ka sorkar kam pat thung briew ba pura ha kine ar tylli ki Block.
Haba jubab iaka jingkylli bala wanrah da u MLA ka Rambrai Jyrngam Remington Gabil Momin, u Mondal ula iathuh ba mynta ka Rambrai bad ka Rimuliang CRD Block kila treikam watla kine ki ar tylli ki Block ki dei kiba dang shu plie shen.
U Mondal ula iathuh ba ia kine ar tylli ki CRD Block la pyntrei ha ki Building ba shu wai namar haduh mynta ki jingtei kim pat long kiba biang namar hadien ba wan ka elekshon la hap ban pynsangeh shwa ia ki kam ki jam.
“Ka sorkar ka don iaka thong ban pyntreikam pura iaka Rambrai bad ka Rimuliang CRD bad ka dang bishar ruh ia kiwei ki jingdawa halor ki CRD Block” la ong u Mondal.
Pule lang ia kane: Kyntait u DyCM ba mih ki paid riewlum “ High Level” ha Jylla
