Shillong, Nailar 25 : Ka Sorkar Jylla kala pynkha ia ka Police Station ba thymmai ha shnong Nongshillong, Eastern West Khasi Hills ka ban tip kum ka Nongshillong Police Station.
Kat kum ka jingpynbna bala pynmih da u Commissioner & Secretary ka Tnad kam Pohiing (Police), kane ka Police Station ka dei kaba ker sawdong da ka Nongstoin Police Station na ka thain Shatei, ka Mairang Police Station na Mihngi, ka Mawkyrwat Police Station na Shathie bad ka Nongstoin Police Station na Sepngi.
Da ka jingpynbna ia ka Nongshillong Police Station, ki jaka kiba hap hapoh u pud u sam jong ka, kin ym hap shuh mynta hapoh ka Mairang Police Station.
