Shillong, Lber 03: Ka Sorkar kala pynjlan ia ka por haduh ka 31 tarik Lber ia ki lai tylli ki Regional Committee iakren pynbeit pud ba kin aiti ia ka kaiphod.
Ia kane la pyntip da u Chief Secretary Bah DP Wahlang hynne ka sngi Nyngkong.
Ka Sorkar Meghalaya bad Assam kila thung ia ki Regional Committee bala khlieh da ki Myntri Sorkar ryngkat bad ki MLA lem bad ki Ophisar kum ki dkhot jong ki hynriew tylli ki jaka ba dang sahteng ka jingiakajia.
La bynshet ha ki Regional Committee ba kin leit jurip lang ia ki hynriew tylli ki jaka ba iakajia kum shibynta na ka kam ban pynbeit ia ka jingiakajia pud.
