Shillong, Iaiong 22 : Ka Meghalaya Energy Corporation Limited (MeECL) kala pynjlan ia ka One Time Settlement (OTS) shceme 2025, tad haduh ba kut u bnai Iaiong ban khyllie pat ia ki bai bording bym pat siew da ki nongthang bording.
Haba pyntip ia kane hynne ka sngi Ba-ar, u Myntri ka Tnad Bording AT Mondal ula ong “Ha ka jingshisha, ka OTS scheme, 2025 kala treikam tad haduh ka 31 tarik Lber hynrei haba iohi ia ka jingwan shakhmat ki nongthang bording, ngi la pynjlan ia ka tad haduh ba kut une u bnai”.
Ia ka OTS scheme la pyllait da u Myntri Rangbah ka Jylla Conrad K Sangma ha ka 4 tarik Lber-kaba long na ka bynta ki nongthang bording ka MeECL.
“Jan kot haduh 45000 ngut ki nongthang bording kin ioh jingmyntoi bad palat T.26 klur ka kuna yn sa map noh. Ki nong thang bording kin hap ban siew tang ia ka trai ba 40% bad ia ka 60% ba sah kin siew ha ki 5 tylli ki installment ba mar kat juh khlem ka sut” ong u CM haba pyllait ia ka skhim.
Ka OTS scheme 2025 ka treikam tang ia ki “Domestic Low Tension (DLT)” bad “Kutir Jyoti/ BPL” kiba pynbna ia ka jingthang bording ba 5 Kilowatt bad hapoh na ka bynta ki nongthang bording kiba la shah ot bording namar ka jingbym siew bai bording, khnang ban lah ioh noh ia ka bai bording ba dang sah.
Tang ki nongthang bording kiba la shah ot bording ki lah ban aplai ia ka OTS scheme 2025 bad ban ioh ia ki jingmyntoi.
Ka bai bording bala pynsahteng ban siew da ki nongthang bording kala kot ia ka T.119 klur.
 kala pynjlan ia ka One Time Settlement (OTS) shceme 2025, tad haduh ba kut u bnai Iaiong ban khyllie pat ia ki bai bording bym pat siew da ki nongthang bording.){kind=link}