Nongstoiñ, Jymmang 23: U Deputy Commissioner ka West Khasi Hills ula pynjari da ka kynhun 144 CrPC hapoh ka shnong Tiehsaw bad shi kilometre pyllun ia ka namar ka jingiap jong ki sniang na ka jingpang khlam bala tip kum ka African Swine Flu.
Katkum ka jingpynbna, u DC bah Garod LSN Dykes Deputy Commissioner, ula ong ba hadien ba la ïoh jingtip ba ka don ka jingïap jong ki sñiang ha ka shnong Tiehsaw, u District A.H Veterinary Officer u la phah ïa ki nongtrei na ka ophis ban leit leh ïa ka test ban lap ïa ka daw jong ka jingïap. Hadien ba la dep leh ïa ka test la lap ba ka jingïap jong ki sñiang ka dei na ka African swine flu.
Ula ong ba hadien ka jingioh pdiang ïa ka kaiphod, u la pynbna paitbah ban pynjari da ka kyndon 144 Crpc hapoh ka jaka kaba shi kilomitar na ka shnong Tiehsaw ban tehlakam ia ka jingsaphriang jong ka khlam.
