Shillong, Nohprah 14 : Ka Sorkar Jylla kala pynmih ia ka hukum ba tang ki bos kamai paidbah bad ki kali rit kiba lah ban iaid nalor ka jingkieng damsite.
Kane ka hukum kala mih na ka Ophis ka Deputy Commissioner ka East Khasi Hills, hynne ka sngi Palei ka 14 tarik Nohprah.
Ka Deputy Commissioner kala pynjari ia ka kyndon 144 CrPC ba khang ia kiwei pat ki kali ban iaid na kane ka jingkieng kaba la shongtor lait noh tang ki bos kamai paidbah ba ki kali rit.
Kat kum ka jingpynbna, ka DC ka pyntip ba ki kali heh MMV bad HMV kiba na East bad West Jaintia Hills kin hap ban iaid lyngba ka Mawryngkneng sha Shillong Bye-Pass.
Kiba wan na Eastern West, West bad South West Khasi Hills kin hap ban iaid lyngba ka Pomlakrai sha Mawryngkneng bad mih sha Shillong Bye-Pass.
