Shillong Nohprah 04: Ki bor pyniaid district ka East Khasi Hills kila pynmih ia ka hukum ba pynjari ia ka kyndon 163 BNSS, kaba mana tyngeh ban thang ia ki khlaw kiba hap ha ka district.
Kane ka jingpynmih ia ka hukum kadei ban tehlakam ba kan ym don ka jingpur ding ha ki khlaw ki btap bad ban iada ia ka mariang, ia ka jingshngain ki paitbah bad ia ka jingim briew.
Katkum ka hukum kaba la pynmih da ka district magistrate Kong RM Kurbah hynne ka sngi Palei, kala pynpaw ba kila don ki jingpyrshang khnang bad kala jur ruh ka jingthang khnang ia ki khlaw kaba la lam sha ka jingpur ding ha ki khlaw bad lam sha ka jingpynjulor ia ka mariang.
Kane ka jingkhang pyrshah kana treikam noh mardor bad kan bteng ban treikam tad haduh ban da pynbna da kumwei pat.
Kino kino kiba pynkhein kina shah pynshitom hapoh jong ka kyndon 223 jongka BNSS
Kane ka jingmana kadei shi bynta ban ialeh ban iada ia ki jingdon jingem ha ka thain bad ban iada na kino kino ki jingjulor.
La kyntu ia ki paitbah ba kin ai ka jingiatreilang bad ki bor district kila maham ba kino kino kiba pynkhein kin shah pynshitom da kaba tyngeh.
