spot_img

Pynjari ka DC da ka kyndon 163 BNSS| Khang ban pynlong rally ialap khang bam doh masi ha Shillong

Date:

Share post:

Shillong, Nailur 27 : Ka Deputy Commissioner ka East Khasi Hills Kong RM Kurbah, kala pynjari da ka kyndon 163 BNSS ha Nongbah Shillong, kaba khang ia kynhun ki shitniam Hindu ban pynlong ia ka Yatra ban ialap khang bam doh masi ha Shillong.

Kane ka hukum kala mih ruh shisngi hashuwa ka jingwan iuhkjat jong ka kynhun Hindu Jyotish Peethadheeshwar Shankaracharya Avimukteshwarandah ba ialam da u Jagadguru Shankaracharya, ban wan sha kane ka rally bala pynbna ban long ha ka 2 tarik Risaw.

U National Media In-Charge ka kynhun Jagatguru Shankaracharya Maharaj u Shailendra Yogi Sarkar ula pyntip ba u Nongialam ka kynhun, u Shankaracharya, un wanpoi sha Shillong haka 28 tarik mynta u bnai lyngba ka Kad Liengsuin ha Umroi.

U pyntip ba u Shankaracharya hadien ba poi ha Shillong Airport, un sa pynher ia ka lama masi hapoh ka Gau Dhwaj Sthapana Bharat Yatra bad ban dawa pynbna ia ka masi kum ka “Kmie ka Ri’ nalor ban pyntreikam ia ka Ain da ka Sorkar Pdeng ban khang noh ia ka jingshoh doh ia ka masi”.

Kat kum ka hukum, ka Deputy Commission kala ong “Ka la poi sha ka jingtip jong kaba soi harum ba katto katne ki Kynhun ki thmu ban pynlong ia ka Gau Dhwaj Sthapana Bharat Yatra ha Shillong ha ka 2 tarik Risaw 2024. Kane ka kynhun kam shym la pan jingbit satia ban pynlong ia ka Yatra. Kum kane ka rally ka lah ban lam sha ka jingkulmar hapoh ka sor Shillong bad ka District baroh kawei”.

Kat kum ka bor bala pynkup hapoh ka kyndon 163 BNSS, ka DC kala khang ban ia iaid ne ialum briew ba 5 ne palat, ban pynlong rally ne procession hapoh ka nongbah Shillong bad ki khapsor.

Kala ong ba ka jingpynkhein ia kane ka hukum kan khang ia ka jingshah pynngat hapoh ka kyndon 223 jong ka BNS bad kiwei kiwei ki kyndon kat kaba I iahap.

Ka pyntip ba kane ka hukum kala treikam mardor tad haduh da pynmih da kawei pat ka hukum.

Share post:

spot_img
spot_img

Popular

More like this
Related

Durand Cup | Rung ka NorthEast United FC sha ka quarterfinal da ka jingjop ia ka Shillong Lajong

Shillong, Nailar 08: U rangïalehkai ka Ri Morocco u...

Dang iaid ka jingbishar ia ka kaiphod ka Expert Committee halor ka Job Reservation

Shillong, Nailar 08: U Chief Secretary ka Jylla Bah...

Kumno uwei u nonghikai u pynkylla ia ka skul sorkar ha Mawsynram sha ka kamra skul kaba im

By Kenny Jyrwa Shillong, Nailar : Hato phi dang kynmaw...

Major Bureaucratic Reshuffle : 4 IFS officers brought to civil administration

Shillong, Aug 8: The state government on Friday issued...