Shillong, Nailur 27 : Ka Myntri ka Koit ka Khiah Kong Ampareen Lyngdoh, hynne ka sngi Thohdieng, kala plie paidbah ia ka First Referral Unit (FRU) ha Mawphlang Community Health Centre (CHC).
Haba kren ha ka jingialang, ka Myntri kala ban jur ia ka jingdonkam ban shaniah ia ki jaka sumar ka Sorkar haba kdat sharud ia ka jingmut jingpyrkhat ba ki dei ki bym biang satia ia ki lad jingsumar.
Kala ban ruh ba ka thong jong ka Sorkar ka long ban rah shajan ia ki lad jingsumar kiba paka sha ki longiing ha ki shnong ki thaw.
Ka Myntri ka ong ba ka Mawphlang CHC kala nang kyntiew ia ki tiar sumar bad don haduh 5 ngut ki doktor, uwei u doktor Specialist, laingut ki doktor bniat bad uwei u doktor Ayush. Ka CHC kala lah ban leh haduh 39 tylli ki medical test, kaba la pyllait ia ki paidbah ban hap wan hiar shaduh sha Shillong.
Ha kajuh ka por, ka Myntri kala kyntu ia ki Nongshongshnong ban pynrung kyrteng ialade hapoh ka Meghalaya Health Insurance Scheme (MHIS) bad ban pyniasoh bad u Aadhaar ban ioh ia ki jingsumar ei.
 ha Mawphlang Community Health Centre (CHC).){kind=link}