Nongstoiñ, Ïaiong 14: U District Magistrate ka West Khasi Hill District bah Garod LSN Dykes IAS, u la pynjari da ka kyndon 144CrPC kaba khang bad mana pyrshah ïa ki briew ban tih bad khlong shyiap beaiñ ha shilynter jong ka wah Nongkhnum.
Kane ka jingtih shyiap kan wanrah ïa ka jingjot bad pynsniew ïa ki sawdong sawkun jong kane ka wah, ong u Magistrate.
Kat kum ka jingong jong u, lada lap ïa kiba ïaleh pyrshah ïa katei ka hukum, kin shah pynshitom katkum ka kyndon 188 jong ka Indian Penal Code, 1860 bad hapoh ki kyndon jongka Mines and Minerals (Development and Regulation) Act, 1957, Environment (Protection) Act, 1986.
Kane ka hukum kan treikam mardor tad haduh ynda pynbna da kumwei pat.
