Shillong, Iaiong 14: Ka seng saiñ pyrthei Voice of the People Party (VPP) kala pynbna ba kan pynlong ïa ki jingialang paidbah ban pynrung dkhot sha ka seng ha ki konstitwensi bapher bapher jong ka rilum Khasi-Jaintia.
Ha ka kyrwoh khubor na u Nongaiktien ka VPP u Dr. Batskhem Myrboh ula pynpaw ba hashwa ka jingpynrung kyrteng ia ki dkhot, kan don ka jingpynshai ïaki nongrim jong ka seng.
Ula ïawer ïa ki nongkyrshan jong ka VPP bad ia ki paidbah kiba don ka jingthrang ban pynkhlain bad trei na ka bynta ka seng ban ïa poi sha kine ki jingialang.
U Dr Myrboh ula pyntip ba ha ka 21 tarik u Iaiong ia ka jingialang yn pynlong ha Amlarem, ha ka 24 tarik yn pynlong ha Jongksha, haka 25 tarik ha Mangnap, ha ka 28 tarik yn pynlong iaka jingialang ha Mawkyrwat.
Shuh shuh ula pynpaw ba ha ka 1 tarik u Jymmang ia ka jingialang yn pynlong ha Ummulong, ha ka 3 tarik ha Namdong, 5 tarik ha Saitsohpen, 6 tarik ha Umroi, 8 tarik ha Mawsynram, 13 tarik ha Shangpung, 15 tarik ha Kynshi, 20 tarik ha Nongpoh, 29 ha Patharkhmah bad ha ka 6 tarik u Jylliew ha Mawhati.
Ula iathuh ba kitei ki jingialang baroh kin sdang ha ka por 10 baje mynstep.
