-->

Pynieng khyrdop ILP ka KSU ha ka thain Umkiang-EJH ban pyrrkhing mynder

Date:

Share post:

Shillong, Naitung 15 : Ka Khasi Students’ Union (KSU) kala pynieng khyrdop Inner Line Permit (ILP) sa ha ka thain Umkiang, East Jaintia Hills, ban pyrrkhing ia ka jingrung kyrthep ki bar jylla shapoh Meghalaya.

Ia kane ka khyrdop la pynieng harud ka surok NH-6 ha ka shnong Umstain hynne ka step sngi Nyngkong.

Kane ka khyrdop ka dei kaba lai kaba la pynieng da ka seng KSU ha ki jaka rung jaka mih ha khappud ka Assam. Kawei ka dei ha Pahammawlein, Ri-Bhoi kaba la shah wiang ding bad kawei ha Athiabari, West Khasi Hills District.

Ka KSU kala shim ia kane ka sienjam ban pynbor ia ka Sorkar ba kan pyntreikam noh ia ka Inner Line Permit (ILP) ha Jylla bad kumjuh ruh ia ka Meghalaya Residents Safety & Security Act (MRSSA).

Ha kine ki khyrdop, ka KSU kala pynieng ruh ia ki banner kiba don ia ka jingthoh “ Ka Inter-State Migrant Workmen ( Regulation & Employment and Condition of Services) Act, 1979 (Work Permit), kala treikam ha Jylla Meghalaya naduh ka 28 tarik Naitung 2011.
Kawei pat ka banner kala kynthoh “Ki Infiltration Check Gate ki shu long tang ki khyrdop lum khajna jong no re jongno”.

Ki Nongialam bad ki Dkhot ka KSU-East Jaintia Hills, kila pynlong ia ka jingtalasi ia ki kali bar jylla ha kane ka khyrdop bad khmih bniah ia ki kot ki sla ban pynthikna ba kim dei ki briew kiba rung beain.

La ioh jingtip ba bun ki bar jylla kila shah pynphai biang sha Assam namar ka jingbym don ia ki kot ki sla kiba biang kynthup ka Work Permit.

Na ka liang ki bor Pulit ka thain, kila hiar sha kane ka khyrdop ban pynthikna ba kan nym pynmih ia kano kano ka huri hura, kaba lah ban pynthut ia ka shongsuk shongsain.

Share post:

-->
spot_img

Popular

More like this
Related

Iaroh ka BJP ia ka Sorkar ba pynduh ia ka interview ha ka thungkam ia ki Grade-IV

Shillong, Risaw 08: Ka Meghalaya Bharatiya Janata Party (BJP)...

Sam ka DC da ki kor Digital ban lah pyntreikam bha ia ka MRSSA 2016 ha EKH

Shillong, Risaw 8: Ka Ophis jong ka Deputy Commissioner...

Elekshon GHADC | Pynkhreh ka BJP ban sei ia ki kyrtong | Kwah pynshai ka Sorkar ia ka song jingiarap

Shillong, Risaw 08: U nongaiktien ka Meghalaya Bharatiya Janata...

Pat sei pyrthei ka BJP ia ka kaiphod ka FFC halor ka kam tih dewiong beain

Shillong, Risaw 08: Wat hadien ka jingiohpdiang ia ka...