Shillong Nailar 18: U General Secretary ba rim jongka Nationalist Youth Congress (NYC) u Bah Dapkupar Nongrum ryngkat bad ki nongkyrshan na ki seng sain pyrthei bapher, hynnin ka 17 tarik u Nailar kila leit ban pyniasoh noh ialade bad ka seng BJP.
Haba iakren bad ki ladpathai khubor, u President ka BJP Meghalaya u Bah Ernest Mawrie u la ong ba u Bah Nongrum u la sdang ia ka jingiakren bad palat 100 ngut ki nongkyrshan jong ki seng sain pyrthei ki bapher kiba kynthup na ka Congress bad KHNAM na East Shillong bad North Shillong constituency ban pyniasoh noh bad ka BJP.
“Kane ka long ka jingjop kaba khraw iaka BJP ha ka jylla” ong u Bah Mawrie haba bynrap ba kane kan iarap shuh shuh ban pynbun iaki dkhot haka BJP.
Ula ong ba kumba ka long mynta ki don haduh18 Klur ngut ki dkhot jong ka BJP hapoh ka ri.
U la ong, kane ka jingwan pyniasoh ki paidbah kan iai bteng haduh u snem ban wan, hashwa ba ka jylla kan poi sha ka jingjied thymmai ia ki nongmihkhmat.
