Maibang, Rymphang 12: U National President ka National People’s Party (NPP) bad Myntri Rangbah ka Meghalaya Conrad K Sangma, ula pdiang burom ia u nongialam riewlum ba pawkhmat u Daniel Langthasa sha ka seng NPP ha ka jingialang paidbah kaba la long ha madan Dishru, Maibang, hynne ka sngi Palei.
U Langthasa ula rung sha ka NPP ha ryngkat ka jingdonlang ki nongialam ba rangbah ka seng bad da ki spah ngut ki nongkyrshan, kaba pyni dak ia kaei kaba ki nongialam ka NPP ki niew kum ka jingpyrshang ba thymmai ban pynkhlain ia ka seng ha ktem jong ki District rilum.
Ha kane ka jingialang la donlang u National Working President ka NPP u James K. Sangma, u Vice President u Hemochandra Singh, u Nongseng jongka Tipra Motha Party u Pradyot Manikya Debbarma, u Myntri Sorkar barim ka Nagaland u Mmhonlumo Kikon ryngkat bad kiwei kiwei ki nongialam ka seng NPP na kylleng ka thain North East.
Haba pdiang sngewbha ia u Langthasa bad ki nongkyrshan ki jong u sha ka seng, u Sangma ula ong, ba kane ka pyni ia ka jingkiew shaphrang ka NPP ha ka jingioh jingkyrshan halor ki kam pynroi kiba kala leh, kaba lamkhmat ruh ha kaban iada ia ka jinglongtynrai ki riewlum bad ia ka hok jongki riewlum. Ula banjur ba ka seng ka iengskhem ha kaban ai ia ka roi ka par kaba salonsar, ban kyntiew ia ki lad pyniasoh bad ban pyniar ia ki lad na ka bynta ki samla ha kylleng ka thain.
Ula banjur ba ka “One Northeast” kaba dei ka jingiohi jngai, kadei ka jingpynkhlain ia ka jingiadei hapdeng ki jylla ban iatreilang bad ban burom ia ka kolshor kaba bunjait kadei ka mat kaba hakhmat ban pynthikna ba kan donlang ka jingkiew ha ka thain.
Ki nongialam ka seng kila ong ba kane ka jingwan pyniasoh kan nang pynkhlain ia ka seng NPP ha Dima Hasao bad pynpaw ia ka jingskhem jingmut ba ka seng kan suhthied bad ki jingangnud jong ki shnong ki thaw bad ki nongialam ha ki shnong.
Ka NPP kala ai khublei ruh ia ki paidbah ka Dima Hasao kiba la wan iashimbynta ha ka jingialang bad ka pynpaw ba ka iengskhem ha kaban shimkhia ia ki mat kam pynroi ba kongsan jongka district.
 bad Myntri Rangbah ka Meghalaya Conrad K Sangma, ula pdiang burom ia u nongialam riewlum ba pawkhmat u Daniel Langthasa sha ka seng NPP ha ka jingialang paidbah kaba la long ha madan Dishru, Maibang, hynne ka sngi Palei.){kind=link}