Shillong, Rymphang 12 : Ka National Level Monitoring Team (NLM), ba kynthup ia u Dr Mihir Mondal (NLM,DAHD) bad Dr Mahesh Katara, kila wan poi ha Shillong ha ka sngi Palei, ban shong bishar kam bad peitthuh ia ka jingiaid jong ki skhim ka Sorkar Pdeng ba pyntrei da ka Tnad Animal Husbandry & Veterinary ka Jylla.
“Ka jingwan ka thmu ban pynkhlain ia ki lad peitngor, ban pynthikna ia ka jingtreikam kaba shai bad ba don ka jingkitkhlieh, bad ban ai ia ki jingmutban nang pynbha shuh shuh ia ki prokram kam ri jingri ha Meghalaya” ong u Dr A Chyne, Director, ka Tnad Animal Husbandry & Veterinary.
Ka kynhun kan shong bishar ia ka jingiaid ki skhim ka Sorkar Pdeng ba kynthup ia ka Rashtriya Gokul Mission, National Livestock Mission, bad ka Livestock Health & Disease Control Programme.
Ka kynhun NLM kan leit jngoh ia ki jaka ba pyntreikam ia ki project ha East Khasi Hills, West Khasi Hills, bad West Garo Hills districts, bad kan iakren ruh ia ki nongioh jingmyntoi bad ban peit ia ka jingtreikam ka skhim naduh u Rymphang 12-16 tarik, 2026.
, ba kynthup ia u Dr Mihir Mondal (NLM,DAHD) bad Dr Mahesh Katara, kila wan poi ha Shillong ha ka sngi Palei, ban shong bishar kam bad peitthuh ia ka jingiaid jong ki skhim ka Sorkar Pdeng ba pyntrei da ka Tnad Animal Husbandry & Veterinary ka Jylla.){kind=link}