Guwahati, Naitung 12: Uwei u rangbah ha ki bynta ka Chandmari jong ka sorbah u la shah kem noh ha ki pulit namar ka jingdonkti ha ka ba pyniap ia la u jong u khun bad ieh ia ka met iap hapoh surok.
Lah ban kdew ba hynnin ka step sngi Nyngkong la lapdien ia kawei ka metiap ka ba la khah snam ia ka ba la thep hapoh ka pla plastik bad ieh ha ka lynti surok ha ki bynta jong ka Chandmari. Ia une u lanot la tip kyrteng kum u Tinkle Sarma 25 snem rta.
Katkum ki khubor la iathuh ba ki bor pulit ki la kem noh ia u kpa jong utei u lanot ia u ba la tip kyrteng kum u Ambika Sarma halor ka jingdonkti ha kane ka kam pyniap, kata hadien ba la pynlong ia ka jingtohkit ka ba bniah.
Katkum ki khubor hadien katei ka jingshah kem la ong ba u Ambika Sarma u la kam ba u la kum pyniap ia la u jong u khun u Tinkle hadien ba ka la mih ka jingiania ka ba jur hapdeng jong ki.
Watla katta u la kam ba kane ka kam pyniap ka la jia hadien ba u la pynphai kylla namar ka jingshah thombor nyngkong bad ba um shym la don satia ia ka jingthmu ban pyniap. La ong ba katba u Tinkle u la pyrshang ban thombor ia u, u Ambika ban iada ia lade u la pynphai kylliang da ka ba pyndonkam da u siej.
