Agartala, Naiwieng 06: Ha ka jingjia kaba sngew shyrkhei, uwei u khynnah uba dang 15 snem rta ula pyniap noh ia sawngut ki dkhot ka longiing jong u kaba kynthup iala ka jong ka kmie bad ka para kynthei hapoh Dhalai district ka Tripura, ong ka khubor pulit mynta ka sngi.
Kane ka jingjia kala jia hapoh ka shnong Durai Shib Bari kaba hap hapoh Kamalpur police station ha ka thain mihngi ka Tripura hapoh Dhalai district hynnin ka miet sngi Saitjain.
Na ka liang ki bor pulit kila kem noh ia utei u khynnah uba la shah kynnoh donkti ia uba la tip kyrteng kum u Supriya Debnath mynta ka sngi katba u dang leit sha ka ja ka iew ban die ia kawei ka han.
Na ka liang u heh pulit ula ong ba u Supriya ula pyniap noh iala u jong u kpaieit u Badal Debnath, 70, ka kmie jong u ka Samita Debnath, 32, ka pata ka Suparna Debnath, 10, bad ka meisan jong u ka Rekha Deb,42 snem rta da ka ba pom da u sdie karna ki dang iohthiah lyngngai.
Ka jingtohkit halor kane ka jingjia kala iaid shakhmat ban lap ia ka daw tynrai sha lyndet jong kane ka kam pyntriem, ong u heh pulit.
