Shillong, Jymmang 22 : Ka Pro Vice Chancellor Prof Sherwin M Sungoh ha ka sngi Balang kala pyniaid shakhmat ia ka jing ialang jong ka Academic Council jong ka North Eastern Hill University (NEHU).
“Ka Academic Council…kala iaid beit iaid ryntih da ka jingiatreilang jong ki dkhot ka AC. Jan 130 ngut ki dkhot kila wan iashimbynta ha ka jingialang” ong ka Prof Sungoh ha ka kyrwoh.
Kane ka jingialang ka AC kala long tang da ki sngi shuwa ka jingwan iuhkjat ki arngut ki Ophisar bala thung da ka Ministry of Education (MoE) ban shong bishar kam halor ka jingtreikam jong ka NEHU.
Ha ka sngi Nyngkong, u Vice Chancellor ka NEHU Prof PS Shukla ula maham ban leh ia kaba donkam pyrshah ia ka Prof Sungoh lada ka pyniaid shakhmat ia ka jingialang jong ka AC hynne ka sngi.
Kat kum ka jingong jong u, kane ka jingialang AC ka bym shong ain, ka lah ban pynthut ia ka degree jong ki samla pule.
.){kind=link}