Shillong, Naitung 24 : Ka sngi kaba ar jongka lympung 32nd State Level Inter School Karate Tournament 2026, ka All Meghalaya Karate-Do Association, kala shongshit bha da ka jingpyni ia ka sap ba nylla jong ki khynnah rit kiba 6 haduh ka 10 snem ka rta.
Ia kane ka lympung ialehkai la pynlong ha Multipurpose Indoor Hall, ka Sports Authority of India Centre, kaba don ha kut ka skul bah pule ka NEHU, bad ba la iarap ban kyrshan ia ka da ka tnat jong ka Directorate of Sports & Youth Affairs ka sorkar jylla.
Ha kane ka kynti tang ki khynnah rit, kiba la poi ban iashim bynta ki la kynjoh sha ka saw spah tam, kiba la wan na kylleng sawdong ka jylla, ia kaba la pynshit pynshngain bad wan ban ai mynsiem ia ki da ki kmie ki kpa bad ki bahaiing ka sem.
Dei na kum kane ka rta ialehkai, kiba ka AMKA ka la lah ba kan sei ia ki rang bad ki khlur ialehkai, kiba nylla bad ba da kynsai tam tad haduh ba kin da lah ban wanrah ia ka nam bad ka burom ia ka jylla hi baroh kawei.
Kane ka lympung ialehkai kaba lai sngi kan poi noh sha kaba kut lashai pat ka sngi.
