Shillong, Nailar 13 : U Myntri Rangbah Conrad K Sangma ha ka sngi Palei ula iathuh ba ka Ministry of Home Affairs kala pyni ia ka dak jingkyrmen halor ka Meghalaya Residents Safety and Security (Amendment) Bill bad ka Jylla kan sa khot ia ka jingialang ban iakren shuh shuh halor kane ka kam.
U Conrad ula iathuh ba ki Ophisar ka Jylla kila iashong jingialang la bunsien bad u Home Secretary halor ki kyndon ba bniah jong ka MRSSA.
“Ngi la shong ia ka jingialang ba iatai bniah bha bad u Home Secretary. U Chief Secretary bad kumjuh ruh u Commissioner & Secretary ka Tnad Pohiing, Police bad Political, kila dep iashong jingialang bunsien ha ki kyrdan bapher bapher bad u Home Secretary ban iakren ia ki bynta bapher bapher jong ka MRSSA” ula ong.
Ula pynpaw ba namar ka bill ka iatakhuh bad ki kam technical, ka jingiakren kaba bniah ka long kaba donkam ha ka kyrdan ki Ophisar.
Kat kum ka jingong u CM, ka jingialang ba khatduh bad u Home Secretary kala pyni ba ka MHA kala pdiang ia ki nongrim jong ka Jylla.
“Ngi lah ban sngewthuh ba ka Home Ministry, ka Sorkar India, kala ai jingkyrmen halor kane. Ha ka jingiakren jong ngi, shibun ki mat kiba bha kiba mih” ula ong.
U Conrad ula bynrap ba u Chief Secretary bad u Commissioner and Secretary Political kin sa iakynduh biang shen ia ki Ophisar ka MHA, bad pynpaw ia ka jingkyrmen ba ki kam kin iaid shakhmat.
 Bill bad ka Jylla kan sa khot ia ka jingialang ban iakren shuh shuh halor kane ka kam.){kind=link}