Shillong, Kyllalyngkot 28:U Lat ka jylla u Brig. (Dr.) B.D Mishra (Retd.) ryngkat bad ka kurim ka jong u ka Neelam Mishra hynne ka sngi kila pynhap pyrda noh iaka jingiakob ialehkai Basketball bad Tennis kaba la pynlong ha Raj Bhavan.
Ia kitei ki jingiakob la pynlong naduh ka 24 tarik mynta u bnai kum shi bynta jong ka jingplie iaka jaka ialehkai Basketball bad Tennis kaba la tei thymmai ha Raj Bhavan bad ha kane ka sngi kut la wan ban iadonlang u Chief Secretary ka jylla u Bah D P Wahlang bad u DGP ka jylla u Dr. Lajja Ram Bishnoi.
Ha ka jingiakob ialehkai Basketball ha ka liang ki shynrang la wan ban iashimbynta da ki 8 tylli ki kynhun, katba ha ka liang ki Kynthei la wan ban iashimbynta tang ar tylli ki kynhun.
Ka kynhun jong ka 101 kala iohrah iaka nam lahduh ha da kaba pynliem ia ka Meghalaya Police (MLP) ha ka final, katba haka liang ki kynthei ka kynhun jongka MLP kala pynliem ia kawei pat ka kynhun jong ki riewpaidbah.
Ha ka jingialehkai Tennis kila don 12 ngut kiba la wan iashimbynta ha kaba u
Wanpynskhem Mawroh ula iohrah ia ka nam lahduh katba iaka Amit Ram ula wan Baar.
U R Thapa jongka 101 ula ioh ia khusnam kum u nongialehkai ba kynsai tam haka Basketball bad ha ka Tennis ia katei ka khusnam la iohrah da u Wanpynskhem Mawroh.
