Shillong, Kyllalyngkot 28: Ka KSU Mawroh Circle hynne ka sngi Saitjain kala pynhap pyrda noh iaka ïaka Maitshaphrang Inter Dong Football Knockout Tournament kaba la pynlong ha ki 3 sngi.
Ha ka jingïalehkai phainal, ka Pingwait kala pynliem ïaka Umsohkhlur ban ïoh rah iaka Trophy bad 3 tylli u Syiar katba ka Pingwait kala ïoh ia ka Trophy bad 2 tylli u syiar.
Ïa ka khusnam rang ap kol ba tbit la ïoh da u Badonkupar Kharsohnoh na ka kynhun Pingwait, u Neville Majaw naka Umsohkhlur ula ioh ïaka nam kum u nongthep kol ba bun eh, ia ka nam rang ïalehkai ba tbit tam la ïoh da Kolestarwell Lyngdoh na ka Umsohkhlur bad ïaka Discipline Team la ïoh da ka Mawlyndop.
U President ka KSU u Samla Lambokstarwell Marngar kum u kongsan bad u Vice President Samla Biangbor L.Paliar kum u Symbud Kongsan kila sam ia kitei ki khusnam ha kaba la iadonlang u Samla Eddie Malngiang, President KSU Mawlai Mawroh Unit bad kiwei kiwei.
U Samla Lambokstarwell ula ban jur ba ki samla ki donkam ïa kiba kum kine ki jingïalehkai kilan met namar haba ki khun samla ki shait ki khlaiñ ki lah ban ïakhun ïa kino kino ki bor ba thmu ban wan thombor ïaka Jaidbynriew.
Ula ong, ha kine ki sngi, ki don ki bor kiba nabar kiba thmu ban pyntroiñ ïaka jaidbynriew da kaba wanrah ïa kiei kiei kiba sniew ha kane ka Ri khnang ba ki samla kin ngam ha kitei ki jingsngewbha kiban long pat jingshah hiar thma ba jar jar ïaka jaidbynriew bad ula kyntu ïaki samla ba kin kiar ïa kitei ki jingmlien kiba sniew hynrei kin mih shakmat ban shakri ïaka Ri bad ka Jaidbynriew ha ki bynta bapher bapher.
