Shillong, Rymphang 16 : Ka National People’s Party (NPP) kala pynduh tiket ia u Chief Executive Member (CEM) ka Garo Hills Autonomous District Council (GHADC) Albinush Marak, haba pynpaw ia ka jingartatien ba un dang jop biang ha ka elekshon ban wan.
“Ngi la pynduh ticket ia u CEM ba mynta, uba mihkhmat ia ka Siju Constituency…..Hapdeng ki jingeh kiba khraw, ngi la shim ia kane ka rai namar ka jingkylli ba un dang jop biang kala mih” ong u Working President ka NPP bad Myntri Sorkar Marcuise N Marak haba iakren bad ki nongthoh khubor ha ka sngi Nyngkong.
“Hynrei, ngi la kyrpad ia u ba un ai ka jingiatreilang bad ka rai jong ka party” ula ong.
U Marak ula iathuh ba ka party kala pynlait ia ka thup ba nyngkong jong ki 24 ngut ki kyrtong ban iakhun ia ka elekshon GHADC ban wan, ia kiba la jied halor ka jingiohi ba ki dei ki kyrtong kiba lah ban jop, kiba iai neh bad ki jingshemphang jong ki ha ka sain pyrthei ha ki snem bala leit”.
Ula bynrap bynrap ba ka State Election Committee, ba ialam da u Bah Prestone Tynsong, kala ai jingmynjur ia ka thup kyrteng hadien ka jingai jingmut jong ka Regional Committee.
“Ngi la lum khubor na ki tyllong bapher bapher…ka long kaba eh ia ngi ban kyntait iano iano na ka thup” ong u Marak haba bynrap ba haduh hynniew ngut ki nongthep kyrteng kila pan tiket na kajuh ka constituency.
U Natonal President ka NPP Conrad K Sangma bad kiwei ki Nongialam bala rangbah, kila iakynduh markhmat ia ki kyrtong kiba pan tiket.
“Ngi la iakynduh ia ki bad iasyllok bad ki khnang ba ngin ioh ia ka jingkyrshan jong ki bad ka jingiatreilang ha kane ka elekshon ban wan” ula ong.
 kala pynduh tiket ia u Chief Executive Member (CEM) ka Garo Hills Autonomous District Council (GHADC) Albinush Marak, haba pynpaw ia ka jingartatien ba un dang jop biang ha ka elekshon ban wan.){kind=link}