Shillong, Rymphang 8: Ka Ministry of Home Affairs (MHA) kala rai ban pynduh pyndam noh ia ka soskular iarung iamih katba mon ne ka Free Movement Regime (FMR) hapdeng ka India bad Myanmar ban pynthikna ia ka jingshngain jong ka Ri bad ban tehlakam ia ka jingdon paid hapoh ki Jylla ka thain Shatei Lam Mihngi bad ka Myanmar.
U Myntri ka Sorkar Pdeng ba khmih ia ka Cooperation Amit Shah haba thoh ha ka X ula ong “Ka dei ka rai jong u Myntri Rangbah Duh ka Ri Narendra Modi ban wanrah jingshngain ia ki khappud jong ngi, ka Ministry of Home Affairs (MHA) kala rai ban pynduh pyndam noh ia ka FMR hapdeng ka India bad Myanmar ban pynthikna ia ka jingshongshngain jong ka Ri bad ban tehlakam ia ka jingdon paid jong ki jaidbynriew bapher bapher ha ki Jylla ka thain Shatei Lam Mingi ba don ha khappud ka Myanmar. Naba ka MHA ka dang pynkhreh ban pynduh pyndam noh, ka MHA kala ai jingmut ban pynsangeh shwa shipor ia ka jingtreikam ka FMR”.
