Nongpoh, Iaiong 13 : Ka Ri-Bhoi Dorbar lem bad ka Ri-Bhoi District Sports Association (RBDSA) hynne ka sngi Palei, kila pynkup burom ia ki arngut ki MLA ka Ri-Bhoi ba kynthup ia u MLA ka Nongpoh Bah Mayralborn Syiem bad u MLA ka Umsning Dr Celestine Lyngdoh.
Kine ki artylli ki kynhun kila leit iakynduh ia kine ki Nongmihkhmat paidbah bad air uh da ka jingthoh ba pynpaw ia ka jing long ba kloi ban iatreilang na ka bynta ka jingbit jingbiang jong ka them Ri-Bhoi.
Ka RBDSA kala pynpaw ruh ba shen ka synjuk kan sa rakhe ia ka jingdap 50 snem da kaba pynlong ia ki prokram bapher bapher ha baroh shisnem lynter.
Kine ki ar kynhun kila pyntip ruh ba shen kin sa leit ruh ban iakynduh sa ia ki 3 ngut kiwei pat ki MLA ka thain ba kynthup ia u MLA ka Mawhati Bah Charles Marngar, MLA ka Jirang Bah Sosthenes Sohtun bad u MLA ka Umroi Bah Damanbait Lamare.
Pule lang ia kane: Maham ka HYC ban mih ka jingjia kum ha ka jingiakhih MBoSE lada bakla halor ka Roster System
