Shillong, Rymphang 23: U Myntri Rangbah ka Jylla u Conrad K Sangma hynne ka sngi, ula pyntip ha ka iingdorbar ba 4,342 ki nongdih droks kila pyndep ia ka Rehabilitation Programs ha Meghalaya hapdeng u snem 2020 haduh ka 4 tarik u Rymphang 2026, bad 147 ngut ki dang don ha ka jingshah sumar.
Ha ka jubab kaba la wanrah hapoh iingdorbar, u Sangma ula ong, ba kila don 14 tylli ki Rehabilitation Centers kiba treikam hapoh ka jylla kaba kynthup ia ki 7 tylli kiba la ioh jingkyrshan na ka sorkar jylla, kawei kaba la ioh jingkyrshan na ka sorkar pdeng bad 6 tylli ki center kiba la pyniaid da ki riewshimet.
