Shillong, Nailur 12 : Ka Sorkar Meghalaya Democratic Alliance (MDA)-II, ha ka sngi Ba-ar, kala rai ban pyndam noh ia ki artylli ki power Project-ka Kynshi Stage-I bad ka Upper Khri stage I & II hadien ba shem ba kim iahap shuh ha ka jingpynlut pisa.
Cabinet approved the termination of two Hydro Power Projects signed by GoM years ago namely the Kynshi-I Hydro Electric Power Project and the Upper Khri Stage-I and Stage-II Projects.
The two projects were in collaboration with private parties but due to financial non-viability… pic.twitter.com/RfhaXIV0Dd
— Conrad K Sangma (@SangmaConrad) September 12, 2023
Haba iakren bad ki lad pathai khubor hadien ka jingialang jong ka Kynhun Myntri, u Myntri Rangbah ka Jylla Conrad K Sangma ula ong ba kine ki artylli ki Hydro Power Project ki dei kiba la iasoi ia ka Memorandum of Agreement (MoA) da ka Sorkar Meghalaya bad ki kompani pynmih bording la slem bha.
Ia ka Kynshi stage-I la iasoi MoA bad ka M/s Athena Project Pvt Ltd da ka BOOT ha ka 11 tarik Nohprah 2007 katba ia ka Upper Khri stage-I & II la iasoi ha u snem 2012-2013 bad ka kompani M/s SM Energenco Ltd.
“Namar ka jingbym ioh pisa ban pyntrei ia kine ki project bad ba ka dor ka mur kala nang kiew bad kumjuh ruh ia ka jingshimpor jong ki kompani ban pyntrei ia ki, ka Kynhun Myntri kala shim ia ka rai ba yn pynduh pyndam noh ia kine ki artylli ki Project – Kynshi stage – I bad Upper Khri stage – I & II,” ong u Conrad.
“Hynrei ka Sorkar bad ka Tnad ba dei khmih, kin shim mardor ia ka sienjam ha kaban wad ia kiwei pat ki paralok lane lehse bad ki juh ki paralok hynrei ha ka rukom pynbeit ba thymmai namar kumba nga ong, ka daw hi ka long ba kine ki project kumba ki long mynta hi, kim iahap shuh bad ka dor bala iabuh” ula ong.
Ki diengpyngkiang ka Kynshi stage-I
Kawei na ki daw ba khraw eh halor ka jingpyndam noh ia ka MoA jong ka Kynshi stage-I ka dei namar ka jingpynslem jong ka Contractor ban pyntrei ia ka project hapoh ka por bala buh.
Nalor kata, ka Ministry of Environment, Forest & Climate Change kala pynkylla thymmai ia ki kyndon treikam na ka bynta ka e-flow ha u snem 2017, kaba la pynduna bun shah ia ka jingioh um ban pynmih bording. Kat kum kane ka kyndon treikam ba thymmai, ka jingpynmih bording kan duna noh sah ka 845 MU na kaba la tyrwa nyngkong kaba long 1087 MU bad ka Installed capacity sha ka 210 MW n aka 270 MW.
Halor ka kyndon thymmai, ka dor jong ka bording kala kiew 8.58/unit na kaba mynshuwa kaba long 7.02/unit na ka dor u snem 2015 bad naba ka jinglah pynmih bording kala duna haduh 20% katba ka jingpynlut ia ka project ka duna tang 4% bad namar ka jingheh ka dor pynlut, ia kane ka project yn ym lah shuh ban pyniaid shakhmat.
U Director ka Independent Power Producers (IPP) ula nang kyrpad ha kaban shah ban buh sa ia ka Pump Storage Hydro Scheme sha kane ka project ban pynlong ia ka project kaba lah ban pyntreikam, ka ban sa nang pynheh shuh shuh ia ka dor.
