Shillong, Naitung 19: Ka Jaintia Students’ Union (JSU) Khliehriat Circle hynne ka sngi Balang, kala leit ban pyndam noh iaka kyrteng Civil Hospital kum ka dak ban pyrshah jur iaka jingbym lah ka sorkar jylla ban pynbit pynbiang ia kane ka Hospital kaba don ha Khliehriat ban lah ban ai iaka jingsumar kaba paka iaki paidbah ka thaiñ.
Ia katei ka sienjam la shim da ka seng hapoh ka jingialam u President jongka seng u Livingeon Sama bad u General Secretary u Ajoymenson Lyngdoh hadien ka jingwan iakynduh ia u District Medical and Health Officer (DMHO) bad Medical Officer ban kylli bniah iaka rukom treikam jongka Hospital ia kaba la dep ban kytiew kyrdan iaka naka Community Health Centre (CHC) sha ka Civil Hospital.
Ha ka kyrwoh kaba la phah da ka Union kala pyntip ba ha ka jingleit jurip, kala shem ba ka jingkyntiew kyrdan kala long tang ha ka kyrteng namar kam shim la donsatia ia kino kino ki tiar bad ki jingdonkam na ka bynta ban ai iaka jingsumar kaba paka iaki paidbah.
Ka Union kala ther ruh iaka sorkar halor ka jingieh beiñ iaka East Jaintia Hills District wat hadien ba la dep ban thaw iaka mynta la 12 snem.
“Namar katei, ngi la rai ban pyndam noh iaka kyrteng Civil Hospital tad haduh ba ka sorkar jylla kan shim ia baroh ki sienjam ban shimkhia iaka jingeh kaba mad da katei ka Hospital” la pynpaw ka seng JSU ha ka kyrwoh.
 bad Medical Officer ban kylli bniah iaka rukom treikam jongka Hospital ia kaba la dep ban kytiew kyrdan iaka naka Community Health Centre (CHC) sha ka Civil Hospital.){kind=link}