Shillong, Naitung 23 : U Myntri Rangbah Duh ka Ri Narendra Modi ha ka step sngi Palei ula pynbna ba ka Sorkar kan buh da ka Fast Track Court ban pynthikna ia ka jingbishar kaba sted bad ka jingpynsajia kaba tyngeh ia kito kiba donkti ha ka jinglait tuh ki jingkylli eksam.
Kane ka jingpynbna kala mih hapdeng ka jingiaid ka jingiakhih jong ki samla pule ha Jantar Mantar ha New Delhi, kaba dawa ban leh eiei pyrshah ia ki jingkynnoh leh bym hok ha ki eksamin bapher bapher.
Haba thoh ha ki social media, u Modi ula pyntip ba ula bthah iaki bor ba dei khmih bad ki Ophisar ba kin shim ia baroh ki sienjam kiba donkam ha kaban pyntreikam ia kane ka rai, haba shim ruh ia ka kum shibynta jong ka jingpyrshang ba khlem sangeh jong ka Sorkar ban iada ia ka bha ka miat jong ki samla pule.
“Ngi la rai ban buh ia ka fast-track court ban pynthikna ia ka jingpynshitom kaba kloi bad ba tyngeh pyrshah ia kito kiba donkti ha ka jinglait tuh ki jingkylli” ong u Myntri Rangbah Duh.
Ula ban jur ba kine ki pyrshang ban pynpulom ia ka lawei jong ki samla kin mad ia ki jingpynsajia kaba tyngeh bha.
“Kito kiba buh jingma ia ka lawei jong ki samla kin ym ioh satia ia ka jingmap” ong u Modi.
Ka jingiakhih jong ki samla pule kala khring ia ka jingkyrshan na ki seng ki samla pule bapher bapher bad ki nongmih khmat paidbah, haba dawa ban wanrah jingkylli ha ka rukom treikam bad pynthikna ia ka jingpyniaid kaba shai bad ba leh hok ha ki eksam bapher bapher.
