Shillong, Naitung 14 : U Myntri ka tnad Pule Puthi Rakkam A Sangma hynne ka sngi Thohdieng, ula pynbna ba ka Sorkar kala thaw ia ka State Education Commission (SEC) jong ki 4 ngut ki Dkhot.
Ia kane ka Commission la khlieh da u Prof Sherwin May Sungoh, Head of Education Deptt ka North Eastern Hill University (NEHU) kum u Chairpseson katba u Chairman barim ka UPSC Prof David Reid Syiemlieh bad IFS bala shongthait bad Executive Member barim ka MBoSE Tony TC Marak kin dei ki Nongaibuit bad u Secretary ka Tnad Education Ambrose Ch Marak kum u Member Secretary.
Ia ka State Education Commission yn iarap ruh da ki 12 ngut ki Dkhot ban sa pynrung, ong u Rakkan haba iakren bad ki nongthoh khubor hadien ba kut ka jingialang shong bishar kam jong ka Tnad Pule Puthi.
“Ka samoi treikam jong ka SEC kan long 2 snem naduh ka sngi ba pynmih ia ka jingpynbna” ula ong.
Halor ki kyndon treikam, u Myntri ula ong ba ka Commission kan ai jingmut ia ka Sorkar Meghalaya halor ki kam ba iadei bad ki rukom treikam ki skul bad college, ka tulop ba siew ha ki skul/college, ka jingtreikam ki School Management Committee bad ka jingshai ha ka jingpyndonkam ia ka pisa pilain.
“Kan ai jingmut ruh halor ki lad ki lynti bad ki policy ha kaban pynkylla thymmai ia ka pule ka dangle ha ki skul bad ki college kat kum ka National Education Policy, 2020” ula ong haba bynrap ba la bthah ruh ia ka Commission ba kan ai jingmut halor ki jingpynkylla kiba donkam ha kaban wanrah ia ka jingai jinghikai kiba janai ha ki skul, college bad ki jaka pule jong ki Higher & Technical Education.
Pule ruh:Â Bthah u DC ia ki Shnong sharum Damsite ban husiar ba lah ban pyllait um na Pung Umiam
 jong ki 4 ngut ki Dkhot.){kind=link}