Shillong, Naitung 14: U Deputy Commissioner ka Ri-Bhoi District, hynne ka sngi Thohdieng, ula kyntu ia ki paid nong shong shnong jong ki shnong ba don sharum jong ka wah Umiam, Damsite, ba kin husiar bha ialade namar ka MeECL ka lah ban pyllait um ha kano kano ka por na ka pung Umiam.
Kat kum ka jingong jong u, ka um hapoh ka pung Umiam kala kiew sha ka 3205.75 kat haduh ka por 8 baje mynstep jong ka 14 tarik Naitung. U ong b aka MeECL ka lah ban pyllait ia ka um na pung Umiam ha kano kano ka por lada ka um ka dang kiew ha kane ka pung sha u pud ka jingma.
Bthah u DC ia ki Shnong sharum Damsite ban husiar ba lah ban pyllait um na Pung Umiam
Ula ong ba ki briew ba sah sharum ka dam Umiam la kyrpad ba kin husiar bha ialade bad la ai jingmut ba kin ym iatur shajan ka wah Umiam khnang ban lait na kino kino ki jingjia kiba sngewsih.
Ula ong ba lada jia ba wna ka jingshlei um, ki briew ki dei ban pynjngai ialade na ki post elektrik bad ki sainar khnang ban lait na ka jingshah bat bording.
Pule ruh: Ka UCC kan pynduh pyndam ia ka dustur u Khasi ba shim jait na ka Kmie :KJCLF
