Kular ka Sorkar ban pyllait haduh 4 bnai ka tulop, kyntu ia ki Nonghikai SSA ban weng noh ia ka jingiakhih

Date:

Share post:

Shillong, Naitung 21: U Symbud Myntri Rangbah ka Jylla Bah Prestone Tynsong hynne ka sngi palei ula ai ka jingkular ia ki Nonghikai SSA ba iakhih, ba ka Sorkar kan sa pyllait noh haduh 4 bnai ka tulop jong ki hapoh ka taiew ban wan bad kyntu ruh ia kine ki Nonghikai ba kin leit phai noh shala ki jong ki skul bad shim klas biang ia ki Khynnah.

U Symbud Myntri Rangbah ula pyntip ba ka Sorkar ban pyndonkam ia ka pisa T. 78 klur naka corpus fund bad ka song pisa ba T. 44 klur ha kaban siew khuid noh ia ka tulop ba sahteng jong ki Nonghikai. U la kular ba ia kane ka song pisa yn sap hah noh sha ka single nodal agency hashuwa ka 27 tarik Naitung 2022.

U Bah Prestone ula ong ba ka Sorkar Jylla ka sngewthuh ia ki jingeh ba iakynduh da ki Nonghikai bad ula phah ktien ba iadei bad ka jingpyllait noh ia ka tulop jong ki nonghikai SSA.

Halor ka jingdawa pynkiew tulop, u Symbud Myntri Rangbah ula kyntu ia ki Nonghikai ba kin long kiba iai shah. U la ong ba ia ka jingpynkiew tulop yn sa iakren hapoh ka State Education Commission hadien bala dep thaw ia ka. U pyntip ba ka Sorkar kala dep thaw ia ka draft policy jong ka Education Commission bad yn sa rah noh ia ka sha ka jingialang jong ka Kynhun Myntri.

“Ka Education Commission kan sa kren janai ia ka kam pynkiew tulop jong baroh ki nonghikai ha Jylla bad ki kyndon iakren (term of reference) kin kynthup ruh ia kiwei kiwei ki ishu ba dang sahteng jong ki nonghikai” ula ong.

Ban kiar na ka jingpynslem ia ka jingsiew tulop lashai lashisngi, u Symbud Myntri Rangbah ula pyntip ba ka Sorkar Jylla kan sa wanrah ia ka rukom treikam ka ban pynthikna ba ki nonghikai kin ioh noh ia ka tulop ha ka por kaba biang bad lada slem eh ruh, kam dei ban palat ia ka lai bnai.

Halor ka tulop ba shibnai ba pynsahteng, u Symbud Myntri Rangbah ula ong baka Sorkar kan sa pyllait noh ia ka pisa mar syn ioh ia ka pisa na ka sorkar pdeng.

U Symbud Myntri Rangbah ula pyntip ba shen un sa leit ruh sha New Delhi ha ryngkat ki Myntri Sorkar, ban iakren bad ki Heh Sorkar ha Delhi halor ki jingeh jong ki nonghikai SSA khamtam haba iadei bad ka tulop.

Ha kajuh ka por, ka kynhun jong ki Nonghikai SSA kala leit iakynduh ia u Symbud Myntri Rangbah bad ki Heh Ophisar n aka Tnad Education ka Jylla.

U President ka MSSASA Bah Aristotle Rymbai ula ong ba ka jingialang ka long kaba seisoh bad ula pyntip ruh ia ka khubor baka Sorkar kan sa pyllait noh ia ka tulop ba saw bnai ha ka taiew ban wan.

Kane ka kynhun kala kyntu ruh ia ka Sorkar Jylla ban pynthikna noh nangne shakhmat ba kan pyllait ia ka tulop man la u bnai ha ka por kaba biang.

Halor ka jingweng ia ka jingiakhih, u la ong baka kynhun kan sa leit iakynduh shuwa ia baroh ki Nonghikai SSA ban iashim ia ka rai ba iamynjur lang.

 

Share post:

spot_img

Popular

More like this
Related

Ngam jyllop 2 ngut ki Khynnah Kynthei ha Wah Rilang

Shillong, Iaiong 22 : Arngut ki Khynnah Kynthei kiba...

Expelled and Unbowed: Avner Pariat’s defiant exit unveils party’s political turmoil

Shillong, Apr 21: Former Voice of People Party leader...

Jingshah pyniap dusmon ha Rongmil | Dawa ki kynhun na Assam bad Garo ia ka jingtohkit hok ki Pulit

Goalpara, Iaiong 21 : Ki kynhun sengbhalang na Assam...

Elekshon Lok Sabha : Sdang u Amit Shah ban ialap elekshon da ka road show ha Silchar

Guwahati, Iaiong 21 : U Myntri kam pohiing ka...