Shillong, Risaw 01 : U Nongialam sain pyrthei bad Myntri Rangbah barim ka Jylla Dr D.D.Lapang ha ka sngi Ba-ar, ula pynbna ia ka rai ban shongthait noh kum u Nongaibuit jong ka Sorkar Jylla.
Ha ka shithi bala phah sha u Myntri Rangbah ka Jylla Conrad K Sangma, u Dr Lapang ula ong “ Hadien ka jingpyrkhat bha bad da ka mynsiem ka jingsngewnguh, nga pynbna ia ka jingshongthait noh na ka kam kum u Nongaibuit ka Sorkar Meghalaya”.
Ula ong “Ka jingiaid lynti jong nga ha kaban shakri ia ki paidbah ka Meghalaya kala wan ryngkat bad ki jingkylla. Nga la iohi ia ka jingkiew ka Jylla, bad nga sngew sarong ban iadonbynta ha kane ka jingkiew. Ki jingtynjuh kiba nga iakynduh ki dei ki kabu ba wan narieh bad man ki mawmer ki dei ki lynnong ba thymmai jong ka jinghikai”.
“Haba nga ai khublei khatduh, nga kwah ban pynpaw ia ka jingsngewnguh naduh ka mynsiem ia ka jingshaniah bad ka lad kaba la ai ha nga. Ngai eh shadien ym tang ia ki paralok ba iatreilang hynrei ia ka Iing ka sem kaba la ieng ryngkat bad nga ha ki jingeh bad jingsngewbha. Sngewbha pdiang ia kane ka shithi iehnohkam jong nga, Khublei shibun ia baroh ki jingkynmaw” ong u Dr Lapang ha ka shithi sha u Myntri Rangbah.
