Shillong, Lber 18 : U Myntri Rangbah ka Jylla Conrad K Sangma, ha ka sngi Ba-ar, ula pynbna ban ai song jingiarap ba T. 3 lak sha ka Iing jong u Khynnah skul 13 snem na Meghalaya, uba iap na ka jingngat bih ha ka jingbam, ha Karnataka.
U Myntri Rangbah haba thoh ha X, ula pynpaw ia ka jingsngewsih halor kane ka jingjia bad ong “ Pangnud ban tip ia ka jingkhlad noh jong uwei u heprit na Meghalaya ha Karnataka. Nga phah ia ka jingsngewlem sha ki bahaiing”.
Pained to learn the passing of another young boy from Meghalaya in Karnataka. My deepest condolences to the family.
Our Government will extend ex gratia of ₹3 Lakhs to the next of kin and also take care of the medical expenditure of all the ailing children. Our team is in…
— Conrad K Sangma (@SangmaConrad) March 18, 2025
Ula kular ruh ba ka Sorkar Jylla kan pynlut ia ka bailut baisep ha ka jingsumar ia baroh ki khynnah kiba shitom bad ba ka la phah ia ki Ophisar sha Karnataka ba kin iarap ia ki bahaiing.
Une u Heprit ba kyrteng u Khrehlang Khongtani, u dei uba pule klas VI ha ka skul Gokul Education Institution’ Residential School ha Shnong T. Kagepura, Mandya District, Karnataka. Ula khlad ha ka sngi U Blei.
Haduh 23 ngut ki khynnah skul na Meghalaya kila sah ha ka hostel ba pyniaid beain, kaba jia kane ka jingjia ba sngewsih. Hadien ka jingsuba ba ngat bih na ka jingbam, baroh ki khynnah ba iohpang la pynkit noh sha hospital da ki bor pyniaid district.
Halor kane ka jingjia, ka Sorkar Meghalaya ha ka sngi Nyngkong, kala phah ia u Deputy Inspector of School Bah P Sun bad u Sub Divisional School Education Officer Bah R Kharsyntiew na ka District MIS, PM-POSHAN, ba kin leit sha Karnataka.
Kine ki Ophisar kin iatreilang bad ki bor pyniaid district bad ban ai jingiarap ia ki kmie kpa jong ki khynnah kiba iohpang na Meghalaya.
