Shillong, Lber 05 : U Myntri Rangbah ka Jylla Conrad K Sangma hynne ka sngi Balang, ula pynbna ban pyntreikam ia ka Chief Minister’s Scholarship scheme, ka flagship program ba thymmai ka Jylla ka ban ai jingmyntoi ia kumba 80,000 ngut ki samla ha u snem mang tyngka ban wan.
“Yn ai ia ka grant ba T.6000 shi snem sha baroh ki samla pule ba pass matric khnang ba kin lah ban pyndonkam ha ki jinglut jingsep ban leit pule” ula ong haba wanrah ia ka mang tyngka.
U pyntip ba ka Sorkar kala mang haduh T.48 klur ban pyntreikam ia kane ka skhim naduh u snem mang tyngka ban wan.
