Shillong, Nohprah 03 : U Myntri Rangbah ka Jylla Conrad K Sangma hynne ka sngi saitjain, ula pynbna ba ka Sorkar Jylla ban ther pisa haduh T.400 klur manla u snem ban kyntiew ia ka ioh ka kot ha ki jaka nongkyndong haba kyntu ia ki nongioh jingmyntoi ba kin pyndonkam hok ia ka.
U Myntri Rangbah ula pynbna ia kane ha ka jingialang ha madan Umlyngka, Mylliem, haba sam ia ki cheque jong ki prokram bapher bapher jong ka Sorkar. Kiba la iadonlang ki kynthup ia u Myntri ka Tnad C&RD Bah Hamletson Dohling.
Haba pynpaw ia ka jingkmen ban sam ia ki skhim jong ka flagship prokram ka Sorkar ha kawei ka jingialang, u Myntri Rangbah ula ong “ Kine ki prokram ki pyni ia ka jingkut jingmut jong ka Sorkar ban buh ia ka bha ka miat jong ka Jylla bad ki nongshongshnong hakhmat eh bad ban pynlong ia ka Meghalaya kawei na ki Jylla top ten ha ka Ri”.
U Myntri Rangbah ula pyntip ba ki don haduh 4.5 lak ngut ki longiing ha Jylla kiba im jakpoh na ki kam ba iadei bad ka rep ka riang bad namar kata, ka Sorkar kala wanrah ia ka FOCUS bad FOCUS Plus ban iarap bad kyrshan ia ki nongrep ba kin pynheh bad pynim jakpoh ia ka kam rep kam riang.
U Myntri Rangbah ula pyntipm ba ka Sorkar ka don jingthmu ban pynlong ia kine ki flagship prokram kaba treikam manla u snem. “Ka Sorkar kan theh pisa haduh T.400 klur sha ka ioh ka kot jong ki jaka nongkyndong bad ngi kyntu ia ki nongioh jingmyntoi ba kin pyndonkam ia ka pisa ha ka rukom kaba ai jingmyntoi” ula bynrap.
U Myntri Rangbah ula pyntip ruh b aka YESS Meghalaya ka dei ka prokram kaba iasyriem ia kaba la pynwandur ban pynmyntoi na ka bynta ki samla ba kin leh ia ki kam kiba pynmyntoi ia ki samla.
Haba batai halor ka PESS Program, u Myntri Rangbah ula ong ba kane ka dei ka sienjam ban pynshlur ia ki nongshong shnong ba kin sumar bad pynneh ia ki khlaw ki btap.
“Khyndaiphew percent na ki khlaw ka Jylla ki dei kiba long trai da ki Shnong ki Thaw bad mynta ngi la ai song pisa sha ki bad kin iada ia kine ki khlaw” ula ong.
U Myntri Rangbah ula batai ruh halor ka PROGRESS Program bala thaw ban kyntiew ia ka ioh ka kot jong ki Nongri jingrip jingduk ha ka Jylla kiba ri ia ki syiar bad ki sniang.
Ha kane ka sngi, u Myntri Rangbah ula sam ruh ia ki cheque, ki shithi bei tyngka bad ki card FOCUS Plus sha ki nongioh jingmyntoi.
In the midst of thousands of people from far and wide of Mylliem Constituency & together with Hon’ble Minister & MLA of the constituency, Sh. @HamDohling, financial benefits under FOCUS+ were handed over to 458 producers amounting to 22.90 Lakhs. @nstomar @AgriGoI pic.twitter.com/jR9VklQ9ya
— Conrad Sangma (@SangmaConrad) December 3, 2022
