Shillong, Naiwieng 10: U Myntri Rangbah ka Jylla Conrad K Sangma ula pynbna ba ka Sorkar Jylla kan buh noh ia ki CM Connect Centre ha baroh ki 56 tylli ki C&RD Block ka Jylla khnang ba ki paidbah kin ioh ka lad ban iakren beit beit bad u (CM)lem bad ka Sorkar ha man ki jingdonkam bad ki jingeh ba ki iakynduh.
U Conrad ula pynbna ia kane ha ka Block-Level CM Connect prokram bala pynlong hynne ka sngi Nyngkong ha Amlarem Civil Sub-Division, West Jaintia Hills ha ka jingiadonlang u MLA ka thain bad Myntri ka Tnad Pule Puthi Bah Lahkmen Rymbui, Myntri ka C&RD Block Bah Sosthenes Sohtun bad kiwei kiwei.
Kane ka prokram ka iatyngkhuh ruh bad ka jingplie ia ka jingrakhe Jubili ksiar ba shisnem kynthih jong ka Amlarem Sub-Division, kaba la wan iashimbynta da ki Heh Ophisar jong ki tnad bapher bapher, ki Nongialam Shnong bad ki Nongshong shnong jong ki shnong bapher bapher ka thain.
Haba ai jingkren, u Myntri Rangbah ula ong ba ki CM Connect Centre kin long kum kawei ka jaka pdeng ban pynbeit ia ki jingeh u paidbah bad ban pynioh ia ki skhim ka Sorkar, nalor ka jingiohlad ki nongshongshnong ban iakren beit beit bad ka Sorkar lyngba ka toll free number 1971 / 1800-3456-851, WhatsApp 94363 94363, bad email [email protected].
Hakane ka prokram, ki mat jingiakren kiba la mih bad u paidbah nongshongshnong ki kynthup naduh ka jingsam umbam umdih, ka pule dangle, ka koit ka khiah, ki surok, ka bording elektrik, ka lad kamai jakpoh ha nongkyndong, bad ka jingpynkupbor ia ki Kynthei.
Ki Nongshongshnong kila pynpaw ia ki jingsngewkhia halor ka jingbym thikna ka jingioh ia ka umbam umdih na ka skhim JJM, ka jingduna ki nonghikai, ka jingbym tei pyndep ia ki iingskul bad ka jingbym biang ki lad ai jingsumar sha ki shnong ba sha kyndong.
U Myntri Rangbah ula bthah mar mar ia ki Tnad ba dei khmih ba kin buddien ia kine ki kam, nalor ka jingthung ia u Medical Officer ha Padu Dispensary, shong bishar kam ia ka skhim JJM bad pynpoi bording sha baroh ki Anganwadi Centre.
U Conrad ula ong ba ka CM Connect ka pyni ia ka jingkut jingmut jong ka Sorkar ba kan leh eiei halor ka khia ka shon u paidbah bad ka synshar khadar kaba shai da kaba sngap markhmat ia ki jingeh bad shim mardor ia ki lynti ban weng ia ki.
U Myntri Rangbah ula pynbna ruh ia ka song pisa ba T.10 lak na ka CM-SDF ban tei ia ka Cluster Level Federatuon Building jong ki Self Help Group ki Kynthei ha Amlarem, haba ban jur ia ka jingkongsan ban kyrshan ia ki nongsengkam ha ki shnong ki thaw/
lem bad ka Sorkar ha man ki jingdonkam bad ki jingeh ba ki iakynduh.){kind=link}