spot_img

Pynbna u Chairman barim ka UALA ban iakhun elekshon-2023 na Chokpot

Date:

Share post:

Tura, Risaw 10 : U Chairman barim ka kynhun kiengatiar bala pynduh pyndam-ka United A’chik Liberation Army (UALA) Novembirth Ch Marak ula pynbna ban mih iakhun ia ka elekshon MLA-2023 na Chokpot Constituency, South Garo Hills.

Haba iakren bad ki lad pathai khubor, u Novembirth ula ong ba un mih aireng ban ioh ai ia ka jingshakri kaba pura ia ki Nongshongshnong ka Constituency haba pyntip ba ula dep plie ruh ia katto katne ki skul ia ki Khynnah ha ki shnong ki thaw.

Kat kum ka jingong jong u, ka Chokpot ka dei ka Constituency kaba la shah iehbein bad ka bym ju ioh ia ki kam pynroi wat hadien 50 snem ka jingioh iala ka jong ka Jylla bad ka jingjied ia ki nongmihkhmat manla ka san snem.

Ula ong ba ki don lai tylli ki ishu kiba donkam haduh katta katta ba dei ban leh eiei ha Chokpot da ki Nongihkhmat bad kine ki dei ka surok rong kaba paka, ka jingpynbha ia ki skul bad ka jingpynbiang ia ki jaka ai jingsumar ia kaba ki sorkar bala leit noh bad kaba mynta, kim shym la leh eiei.

Une u Chairman barim ka UALA ula ong ba ki paidbah kila iohi ia ka kam ba u trei ha ka thain da kaba plie ia ki iingskul na ka bynta ka jingmyntoi jong ki khynnah hashuwa ba un rai ban mih iakhun ia ka elekshon bad ong ba watla ka result jong ka elekshon ka long kumno kumno ruh hynrei un iai bteng ban shakri ban pynbiang ia ka jingnang jingstad ia ki khynnah.

U Novembirth u dei uwei na ki nongseng jong ka kynhun Garo National Liberation Army (GNLA) bad u dei ruh u General Secretary ba thymmai. Ula shah kem bad shah set along. Hadien kane, ula thaw ia ka kynhun UALA kum u Chairman bad u Singbirth Marak ba khot sin u Norrok X Momin kum u Commander in Chief.

Ka UALA kala pawnam ha ki kam pyntriem hadien ka jinghiar thma ia ka Williamnagar District Jail bad siat iap ia arngut ki Nongtrei kane ka phatok. Ka dei ruh kaba donkti ha lyndet ka jingpyniap ia ki hynniew ngut ki briew na ka Jaidbynriew Rabha kaba la jia ha ka Shnong Gendabari jong ka Goalpara ha ka jinglehkmen Diwali.

Hadien ba iasoi ia ka soskular sangeh iasiat bad ka Sorkar Meghalaya, ia ka kynhun UALA la pynduh pyndam noh bad ki Dkhot baroh kila wan sha ka imlang sahlang lait noh u Norrok Momin uba dang iai bteng ban leh ia ki kam kaikhlaw bad sdang ruh ban pynrung dkhot ia ki samla sha ka kynhun United A’chik National Front (UANF) hashwa ba un shah siat iap ha ka jingkhynra jong ki Pulit ka North Garo Hills ha u snem 2017.

Share post:

spot_img
spot_img

Popular

More like this
Related

Dawa ka Dorbar Shnong ia ka MPSCB ban nym pat plie ia ka karkhana Ferro Alloy ha Rwiang

Shillong, Naitung 03 : Ka Dorbar Shnong ka shnong...

Assam | Dawa tohkit CBI ka Congress ba trei bym hok ia ka project ha Garukhuti

Guwahati, Naitung 3: Ka Indian National Congress hapoh Assam...

Dawa ka SRHA ban sangeh kyndang ia ki dukan madan bad pynbna No Vending Zone ha Khyndailad

Shillong Naitung 03: Ka Shillong Roadside Hawkers Association (SRHA)...

Byrngem ka MGSPHSVA ban mudui pyrshah ia u Myntri Sorkar ba kynnoh khlem nongrim ia ki Nongialam

Shillong, Naitung 02 : Ka Meghalaya and Greater Shillong...