Shillong, Rymphang 18 : Ka Sorkar Jylla kala pynbna ia ka 21 tarik Rymphang kum ka shuti ha baroh ki district ka Ri-lum Khasi bad Jaintia namar ka elekshon Autonomous District Council (ADC) ka KHADC bad JHADC.
Ia kane ka jingpynbna la pynmih da ka jingpynbna paidbah ba pynmih da u Lat ka Jylla ha ka sngi Balang.
Kane ka shuti kan treikam ha ki District ka East Khasi Hills, West Khasi Hills, Eastern West Khasi Hills, South West Khasi Hills bad Ri Bhoi District jong ka KHADC lem bad ka West Jaintia Hills bad East Jaintia Hills jong ka JHADC.
La ong ba ki nongtrei kiba trei ha kine ki District bad kiba dei ki nongthep vote ha ka elekshon KHADC bad JHADC kin ioh ia ka shuti ba kyrpang ba kin leit thep vote.
Kumjuh ruh, ki nongtrei ka Sorka Pdeng kiba dei ki nongthep vote ha kine ki elekshon ruh kin ioh ia ka shuti ba kyrpang haka sngi thep vote.
La ong ba ha ki karkhana, ki nongbylla sngi, ki nongtrei casual kynthup kito kiba trei shabar jong kine ki constituency, kin ioh ia ka shuti da ka jingsiew kat kum ki kyndon ka Ain.
La bthah ia u Labour Commissioner ban pynthikna ba ki nongaikam shimet ba kin pyntreikam pura ia kane ka hukum katba ia u Chief Inspector of Boilers & Factories la bthah ba un pynbeit da kawei ia ka shuti kut taiew sha ka 21 tarik Rymphang, ha ki karkhana kiba donkam.
Ka jingiathep vote ha ka elekshon KHADC bad JHADC kan long la 21 tarik Rymphang bad ka jingniew ia ki vote kan long ha ka 24 tarik Rymphang.
 ka KHADC bad JHADC.){kind=link}