Shillong, Naitung 10 : Ka A•chik Conscious Holistically Integrated Krima (ACHIK) kala rai ban shah jingit ba khlem pud naduh ka 11 tarik Naitung, ban dawa pyntreikam mardor ia ka backlog policy ia ki Garo halor ka Reservation bad ka Winter Capital ha Tura.
Ha ka kyrwoh bala pyllait hynne ka sngi Nyngkong, la ong ba ia kane ka jingshah jingit yn ialam da u Nongialam ka ACHIK Laben Ch Marak uba dei u Ophisar MCS bad MPS barim, tad haduh ba ka Sorkar kala mynjur ia ka jingdawa.
La ong ba ka ACHIK kala ju dawa la slem bha na ka Sorkar ban pyntreikam ia ka Reservation Policy bad ka sngi ot kyrteng (cut-off date) naduh ki snem bala leit noh ynrei kane ka jingdawa kala poi sha ki skhor kiba kyllut.
Ka kyrwoh ka ong ba u Laben ChM arak u sngew b aka dei ka jingleh bym hok ia ki paid Garo lada kane ka Sorkar ba mynta kam kren eiei halor ka backlog policy. Ka Office Memorandum ba dang shu pynkylla, kaba la pynmih ha ka 14 tarik Jylliew, kala wanrah pynban ia ka jingma ia ki paid Garo ha ka jaka ba kan ai jingmyntoi bad ka backlog ka kynjah jar jar.
Kala ong ruh ba ka jingdawa jong ka ACHIK ia ka winter capital ha Tura ruh ka dei ka bym shym la patiaw eiei da kane ka Sorkar ba mynta.
Ki paidbah ka Ri-lum Garo kila shah lem kmienah ha kane ka Sorkar watla u Myntri Rangbah da ki phew snem u dei na Ri-lum Garo bad ka seng ka sngew ba dei ban shim kabu ia kane.
Ka ACHIK kala wer ruh ia ki paidbah ka Ri-lum Garo ban iasnohkti lang ha kane ka jingialeh bad ban iashimbynta ha ka jingiashah jingit.
‘Ka Seng ka sngewthuh ba kane ka jingshah jingit ka lah ban bteng slem bha namar ka Sorkar ka lah ne ym lah ban leh eiei bad ka seng namar kata, kala kyrpad ia ki volunteer ba iashimbynta ha ka jingiakhih ki lah ban wan iashimbynta satang lada ki long kiba kloi ban aiti iala ka jingim na ka bynta ka ishu ki jaidbynriew Achik” kala ong.
 naduh ki snem bala leit noh ynrei kane ka jingdawa kala poi sha ki skhor kiba kyllut.){kind=link}