Shillong, Jylliew 21: Ka Voice of the People’s Party (VPP) hynne ka sngi Balang, kala pynbna iaka kyrteng u General Secretary ka Party Dr. Ricky A.J Syngkon ban long u kyrtong ka Party u ban iakhun ia ka elekshon MP ka Lok Sabha ka ban long ha u snem 2024.
“Ka State Election Committee (SEC) kaba iakynduh ha ka 16 tarik Jylliew hadien ka jingiathir kaba sani, kala rai ban jied ia u General Secretary ka Party Dr Ricky AJ Syngkon kum u kyrtong na ka Shillong Parliamentary Seat ha ka elekshon Lok Sabha ban long ha u 2024” ong u Vice President ka VPP Dr Kara Chen.
Lah ban kdew hangne ba ka VPP ka don 4 ngut ki MLA ha ka Iingdorbar ba 60 ngut ki Dkhot.
Nalor u Dr Syngkon, kila don ruh sa arngut kiba pan ticket na ka VPP bad kine ki dei I Dr Bahunlang Tron, Assy Professor ha PGT College bad Prof Lakhon Kma, Professor ka NEHU.
“Naba u Dr Syngkon u dei u General Secretary ka Party, ngi sngew ba u dei u briew uba biang eh ban iakhun na ka party” ula ong.
Haba kylli haduh katno ka VPP ka sngewskhem ban jop na Shillong Seat, u Dr Chen ula ong “Kum ka seng sain pyrthei shisien ba kala rung ha ka jylli la kan jop ne rem kam shong eh ha ka jingdon ki MLA namar ki dei ki paidbah kiba rai”.
Ula pyntip ruh ba ka VPP kan nym pan satia ia kano kano ka jingkyrshan na kiwei pat ki seng sain pyrthei ha kane ka elekshon Lok Sabha.
Haba kylli,u Dr Chen ula ong ba ka VPP kam kwah satia ban pynieng ia u President Ardent M Basaiawmoit kum u kyrtong sha ka elekshon MP namar u hap ban pynleit jingmut ia ki kam ka party hapoh ka Jylla.
Pule ruh: Manipur: Shah tynjuh tyngeh ka BJP ha ka Liang Pyrshah ba iai bteng ka thma iapher Jaidbynriew
 hynne ka sngi kala pynbna iaka kyrteng u Dr. Ricky A.J Syngkon ban long u kyrtong ka Party naka bynta ban iakhun haka ilekshon MP ilekshon 2024.){kind=link}