Shillong, Nailur 11 : Ka Voice of the People Party (VPP) kala pybna ba kan pynlong ia ka jingiashong kyllain mungor ba shisngi ha ka 13 tarik Nailur, ban pyrshah ia ka jingkiew dor ki mar ki mata.
“Ngin pynlong ia ka jingiashong kyllain mungor ba shisngi pyrshah ia ka jingkiew dor ki mar ki mata ha madan Malki naduh ka por 10 baje mynstep haduh 5 baje janmiet” ong u President ka VPP.
“Halor kane, ngi kyntu ia ki nongshongshnong kiba don jingsngewkhia ba kin wan iasnohkti lang bad iashimbynta ha kane ka jingiakhih” ula bynrap.
