Shillong, Iaiong 22 : Ka Vatican kala pynmih ia ka jingpynbna ba ka jingontep ia u Pope Francis kan long ha ka sngi Saitjain ha ka por 10 baje mynstep (09:00 BST, 08:00 GMT).
U Pope Francis ula khlad noh ha ka sngi Nyngkong ha ka rta ba 88 snem.
Ha ka jingleh burom, ka Vatican ka la pyllait ruh ïa ki dur ba nyngkong eh jong u Pope ba la khlad noh ha ka synduk ba la plie. La iohi ia u ba u phong da ka jainkup liturji kaba saw, u phong ia ka miter jong u Pope bad u bat ia u rosary — ka dak jong ka jingngeit bad jingshakri kaba khlain jong u.
Ha ka step sngi Balang, ia u met u Pope Francis yn sa rah sha St Peter Basilica, bad yn sab uh ia ka synduk na ka bynta ki riewngeit ba kin leh burom khatduh shuwa ban tep.
Na ki surok ka South Sudan sha ka Catheral ka Poland, na ka jaka lajong ha Argentina sha ki Balang ha Philippines, ka pyrthei Catholic kala iatylli lang kawei ha ka jingsngewsih.
U Pope Francis ba ju khot ieid “U Pope ki paidbah” ula ieh shadien ia ka nam ka jingsngew rit, ka jingisynei parabriew bad ka jingialeh ba khlem thait na ka bynta ka jingsuk bad ka hok.
.U Pope Francis ula khlad noh ha ka sngi Nyngkong ha ka rta ba 88 snem.){kind=link}