Shillong, Iaiong 22 : Ki Pulit ka Pillangkata Outpost kila pynlong ia ka jingialang ban wanrah iaka jingiatreilang hapdeng ki Pulit bad ki paidbah, kaba la wan iashimbynta da ki Rangbah Shnong, ki Secretary bad ki nongshongshnong jong ki shnong kiba hap hapoh ka Outpost.
Ha kane ka jingialang la batai shai ruh halor ka jingkongsan ka jingdon ki Village Defence Party (VDP) bad ka Community Liaison Group (CLG).
La sam ruh ia ki phorm VDP da u Incharge uba la kyntu ban tyrwa ia ka kyrteng jong u President ka VDP, Secretary, ki Dkhot bad kiwei kiwei hapoh ka 10 tarik Jymmang 2025.
Ia kum kane ka jingialang yn sa pynlong ruh ha baroh ki thanad jong ki Pulitha kine ki sngi ban wan.
“Ngi thmu ban thaw ia ki VDP ha man ki shnong bad ki CLG ha baroh ki Police Station jong ki District ha lane hashuwa ka 31 tarik Jymmang 2025. Ngi ngeit shem ba da ka jingiawan iashimbynta ki paidbah, ngin lah ban leh eiei kham bha halor ka jingktah ki kam khaii droks, ka jingtuh kali, ka POCSO case bad kiwei kiwei” ong u SP ka Ri-Bhoi Vivekananda Rathore.
