Shillong, Rymphang 03: Ka United Democratic Party (UDP) hynne ka sngi kala pynbna biang sa uwei u kyrtong ban iakhun ha kane ka elekshon 2023.
Haba kren sha ki lad pathai khubor u Vice President ka UDP bah Allantry Dkhar ula pyntip ba ka party kala ai ticket ia u Zinbaward N Sangma ban iakhun naka 46-Phulbari constituency kaba hap ba West Garo Hills.
U bah Allantry ula iathuh ba une u kyrtong ka UDP na Phulbari u Zinbaward udei ruh u bala pyndep iaka jingpule ha ka BBA bad udei ruh u briew uba la kiew bha haka liang pule puthi bad kumjuh ruh haka kam khaii bad ha ka liang ban kyntiew iaki samla haka ioh kam ioh jam.
Lah ban kdew ba haduh mynta ka UDP kala pynieng 46 ngut ki kyrtong ban iakhun ha kane ka ilekshon ka ban long ha ka 27 tarik mynta u bnai.
