Shillong, Nailar 11 :U Under Secretary ka General Administration Department (GAD) ula pynbna baka “Har Ghar Tiranga” campaign ne ka jingpynher lama lairong ha manla ki thliew Iing, da ka jingthmu ban aimynsiem ia ki paidbah ba ki rakhe ia ka sngi Laitluid ka Ri da ka jingkmen, kan sdang naduh ka 13 tarik Nailar haduh 15 tarik Nailar.
Kane ka campaign ka pynshlur ia ki nongshongshnong ba kin pynher ia ka lama lai rong ha Ri hala ki jong ki Iing ki sem. La khot sngewbha ruh ia ki paidbah ban kin phah ia ki selfie bad ka lama ka Ri India ha ka website www.harghartiranga.com.
Ha u snem bala lah ruh la pynlong ia kum kane ka campaihn bad ka dei shibynta jong ka ‘Azadi Ka Amrit Mohatsav” bala pyntreikam da ka Sorkar India.
Kane ka campaign kala sdang naduh ka 13 tarik Nailar haduh ka 15 tarik Nailar 2022 da ka thong ban pynshlur ia ki nong shongshnong ba kin pynher ia ki lama ka Ri India hala ki thliew Iing.
Ka jingthmu ba hakhmat eh ka long ban pynlong ia ki nongshongshnong ba kin sngew sarong iala ka jong ka Ri bad ba kin kynmaw ia ka jingiaid lynti ka Ri bad kumjuh ruh ia ka synniang jong kito kiba la iarap ban tei ia kane ka Rib a kynsai.
