Shillong, Nailur 13 : Ka Sorkar Jylla kala pynbna ban leh da ka “State Funeral” ne ka jingleit ontep da ka Jylla, ia u Myntri Rangbah barim ka Jylla Dr DD Lapang, uba la khlad noh ha ka 12 tarik Nailur.
Kat kum ka jingpynbna bala pynmih da ka Tnad General Administration, ia kane ka State Funeral yn pynlong ha Shillong ha ka 15 tarik Nailur ha Madan Student, Jaiaw, por 1 baje janmiet.
Hadien kane, yn pynbud da ka jingleit ontep ha u Lum Jingtep ka Balang Jaiaw Presbyterian, kaba don ha Weiking, Jaiaw.
U Dr Lapang ba ju iakhot ieid kum u “Maheh” ula shahkri kum u Myntri Rangbah ka Meghalaya haduh san sien naduh ba u rung sha ka jylli sain pyrthei ha u snem 1972.
