Shillong, Iaiong 28 : Ka North Eastern Hill University Students’ Union (NEHUSU) ha ka sngi Nyngkong, kala khot pynlong da ka jingpynsangeh shong klas ba khlem pud kum ka dak ka jingpyrshah ia ka jingwanrah ia ki bor pahara hapoh ka campus jong ka skulbah.
Haduh ar pyrton ki Pulit kila don mynta hapoh ka phyllaw jong ka NEHU hadien ka jingshah shoh uwei u Nonghikai jong ka Tnad Hindi ka skulbah.
Kane kala pynbitar ia ki samla pule kiba la dawa ia ki Magistrate ka District ba kin bthah ia baroh ki bor Pulit ba kin mih noh na phyllaw jong ka skulbah bad ban leit shong sha kiwei pat ki jaka.
“Ngi la khot da ka jingpynsangeh shong klas ba khlem pud tad haduh ba ki Pulit kila mih na phyllaw ka skulbah. Kane ka dei ka jingbuhpor jong ngi ia ki bor khmih ka Sorkar” pynbna u General Secretary ka NEHUSU Toniho Kharsati haba kren sha ki samla pule ha phyllaw ka skulbah.
“Sngap ia nga, Ki seng ki samla ple kala iatreilang bad ki hynrei lada ki buh jingma shisha ia ki samla pule jong ka skulbah, ngin ym kynran dien” ula ong.
Haba pynpaw ba ka jingialeh thma kala sdang, u Toniho ula ong “Haduh ba kine ki briew ki mih, ngin nym rung satia sha ki klas. Kane ka dei ka jingaipor ba khatduh jong ngi. Ngi khmih lynti ia ka jingiatreilang jong phi lashai ka sngi namar lada ki kwah ban shong hapoh ka skulbah jong ngi, ai ba kin shong, ngin iamih ban shong shabar ka khyrdop. Lada ki kwah ban shong shapoh ka phyllaw, shong hapoh ka phyllaw, ngin iashong shabar ka phyllaw”.
 ha ka sngi Nyngkong, kala khot pynlong da ka jingpynsangeh shong klas ba khlem pud kum ka dak ka jingpyrshah ia ka jingwanrah ia ki bor pahara hapoh ka campus jong ka skulbah.){kind=link}