Shillong Naitung 16: Ka North-Eastern Hill University (NEHU) ka la pynbna ia ka jingsdang ban pynrung kyrteng ia ki jingpule bapher bapher jong ka Post Graduate (PG) na ka bynta kane ka aiom pule kaban sa wan.
Mynta u snem, ki jingpdiang klas ki la sdang kham kloi haba ïa nujor bad ki ar snem ba la dep, kaba pyni ïa ka jingaiti jong ka skul bah ban pynbha ïa ka rukom pule bad ban pynthikna ïa ka jingsdang kaba biang por ïa ka por pule kaba thymmai.
Kala kyntu ïa ki samla pule kiba kwah ban pule ba kin leit sha ka website jong ka NEHU ha nehu.ac.in ban pyndap ïa ki phorm ban rung bad ban ïoh ïa ka jaka ha kawei na ki prokram ba pawnam jong ka NEHU. Ka skulbah ka thmu ban pyndep kloi ia ka jingpynrung kyrteng, kaba ailad ia ki samla pule bad ki nonghikai ban pynkhreh bha na ka bynta u snem pule ba thymmai.
Nalor ki jingpule PG, shen ka NEHU kan sa pynmih ïa ka jingpynbna ha kaba ïadei bad ka Integrated Teacher Education Program (ITEP). Kane ka jingthmu kaban sa wan ka iadei bad ka jingkular jong ka NEHU ban ai ia ki lynti pule kiba bniah bad kiba iadei lang na ka bynta ki nonghikai kiba kwah ban long nonghikai, kaba pynkhreh ia ki ban nang ban leh bha ha ki kam jong ki ha ka lawei.
Ka NEHU ka pyntip ba kan dang iai bteng ban pynneh ia ka nam jong ka na ka bynta ka jingtbit ha ka jingpule bad ka jingpynwandur, da kaba ai ia ki prokram bapher bapher kiba pyndap ia ki jingdonkam kiba nang kiew jong ki samla pule bad ka imlang sahlang.
