Shillong, Naiwieng 12 : Ka North Eastern Council (NEC) kala pynbna ia ka song thymmai ba T.31.37 klur, bala pyllait sha ka Jylla Meghalaya ba kan pyntrei ia ki skhim bapher bapher ha u bnai Risaw 2025, da ka jingthmu ban kyntiew ia ki jingtei bad ka roi ka par ha ka thain baroh kawei.
Ban pynthikna ia ka jingiaid beit ka jingpyntrei ia ki surok, ka NEC kala pyllait ia ka song ba T.22.90 klur hapoh ka NESID (Roads) ha u Risaw 2025, ha kaba ka pisa ba T.17.90 klur ka dei na ka bynta ban pynheh bad pynbha ia ka surok Borkhat-Sonapur (L-39.59km) bad ka pisa ba T. 5 klur ban shna ia ka jingkieng halor ka wah Umngot jong ka surok na Jongksha-Kharang-Dienglieng-Nongjrong-Moodymmai-Wahiajer (L-0.11 Km).
Ka NEC kala pynbna ruh ia ka song pisa bala pyllait ba kot T.8,46,66,608 sha ki project kam pynroi bapher bapher ha Jylla Meghalaya ha u bnai Risaw 2025, ka ban nang aibor ia ka jingkut jingmut jong ka Sorkar ban pyntyllun sted ia ka roi ka par bad ka jingpyntrei ia ki jingtei bapher bapher ha ka thain Shatei Lam Mihngi.
Ki project ki kynthup ia ka (1.5T) MRI Machine ha Tura Civil Hospital, Meghalaya – T. 5,01,75,000, ka jingithuh ia ki Block ban ai ia ka jingshakri hapoh 30 PC component ha Mawshynrut C7RD Block – T.94,50,000, North East Student Program for Awareness, Reach and Knowledge on Space (NESPARKS) – T. 1,15,12,000, Rural Eco Tourism ha Garo Hills ( East Garo Hills, West Garo Hills bad South West Garo Hills) Meghalaya – T. 31,29,608, ka jingtei ia ka community hall cum recreation centre Building ka Seinraij Jowai community Hall ha Dulong, West Jaintia Hills District, Meghalaya – T.1,04,00,000.
 kala pynbna ia ka song thymmai ba T.31.37 klur, bala pyllait sha ka Jylla Meghalaya ba kan pyntrei ia ki skhim bapher bapher ha u bnai Risaw 2025, da ka jingthmu ban kyntiew ia ki jingtei bad ka roi ka par ha ka thain baroh kawei.){kind=link}